النهارده ، دخلت على اخويا لقيته بياكل رمان و داخل على يوتيوب و كاتب كيفيه تقشير الرمانه - بضان
مره , كنت فى كورس المانى كنا اول مره فدخلت الميس اللى هتدرسلنا الكورس وبتتعرف علينا فجت تعرف نفسها عماله تقول فرو سوزى ومحدش فاهم اسمها فين فى الاخر واحد اتطوع وقالها اسم حضرتك فرو ؟ولا فرو سوزى دا اسم مركب
فردت وقالت فرو بالالمانى يعنى سيده:D - بضان
النهارده ، كنت بغير لمريض ع دراعه و بعد ما لفيت الشاش بدور ع المقص عشان اقصه مش لاقيه، لقيته راح مطلع مطوه قرن غزال محترمه من جيبه و قالى خلى عنك يا دكتور - بضان
مره ، كنت بلعب كوره فى المدرسه وكان فى استاذ بيلعب معانا كان اغبى استاذ فى المدرسه اكلتو اول كوبرى ولفيت من وراه وتانى كوبرى ولفيت دخل عليا تانى روحت شمسته راح رزعنى بالقلم على وشى لحسنى التراب - بضان
مره ، ايام اللجان الشعبيه كان في عيل شبه مسطول كده من الشارع عامل كمين وحاطط كرسي وطربيزه وعليها لاب توب ولما اي عربيه تعدي ياخد الرخص ويحطها في المربع اللي بيتحرك منه الموس و يقوله عدي، فجأه واحد جي بعربيه قديمه خد منه الرخص وحطها فمكان الموس وقاله مش هينفع تعدي الجهاز مش قاريها - بضان
مره ، كان عندى امتحان فى الكليه و رايح مش مذاكر حاجه، فا قولت اروح بدرى و اكتب ع الديسك، روحت و كتبت كل الاسئله و الاجابات على الديسك، و بعدين جه وقت الامتحان، لقيت المراقب بقومنا و بيقول انتوا هتمتحنوا فى حته تانيه - بضان
النهارده ، اخويا كان عايز يستلف منى فلوس (انا لو سلفته مش هيرجع الفلوس تانى) فا اديتله فلوس و قولتله الفلوس دى من بابا (عشان يخاف و يرجعها) بعد ساعه كده لقيته بيقولى انا خلاص رجعت الفلوس لابوك تانى - بضان
النهارده ، كنت مطبقه بقالى 3 ايام منمتش و سهرانه و جبت اخرى خلاص فا قولت لصاحبتى انا هدخل انام متتصليش بيا بقى (لأنها اكتر واحده بتتصل) قالتلى اوك، المهم نمت و فات يادوب ساعه لقيتها بترن قولت اكيد فى حاجه مهمه اوى، فا رديت فى ايه يا بت؟ قالتلى الحقى القطه بتاعه الجيران دخلت عندنا و مش عارفه امسكها - بضان
النهارده، الصبح و على غير العاده لقيت ماما بتصحينى بمنتهى الدلع و بتديلى شيكولاته، قولتلها ايه الحلاوه دى؟ قالتلى اصلنا بعنا اللاب توب بتاعك - بضان
مره ، كنت فى اسكندريه انا و ابويا و انا اللى سايق و عايزين نروح المعموره ابويا قالى امشى من هنا انا عارف الطريق كويس بعد كده ب ساعه لقينا نفسنا فى حته عجيبه وتوهنا فقلتلوا خلاص انا هاسأل فبوقف واحد بقوله لو سمحت عايزين نروح المعموره قالى يااه المعموره اللى فى اسكندريه - بضان
مره , كنت فى كورس المانى كنا اول مره فدخلت الميس اللى هتدرسلنا الكورس وبتتعرف علينا فجت تعرف نفسها عماله تقول فرو سوزى ومحدش فاهم اسمها فين فى الاخر واحد اتطوع وقالها اسم حضرتك فرو ؟ولا فرو سوزى دا اسم مركب
فردت وقالت فرو بالالمانى يعنى سيده:D - بضان
النهارده ، كنت بغير لمريض ع دراعه و بعد ما لفيت الشاش بدور ع المقص عشان اقصه مش لاقيه، لقيته راح مطلع مطوه قرن غزال محترمه من جيبه و قالى خلى عنك يا دكتور - بضان
مره ، كنت بلعب كوره فى المدرسه وكان فى استاذ بيلعب معانا كان اغبى استاذ فى المدرسه اكلتو اول كوبرى ولفيت من وراه وتانى كوبرى ولفيت دخل عليا تانى روحت شمسته راح رزعنى بالقلم على وشى لحسنى التراب - بضان
مره ، ايام اللجان الشعبيه كان في عيل شبه مسطول كده من الشارع عامل كمين وحاطط كرسي وطربيزه وعليها لاب توب ولما اي عربيه تعدي ياخد الرخص ويحطها في المربع اللي بيتحرك منه الموس و يقوله عدي، فجأه واحد جي بعربيه قديمه خد منه الرخص وحطها فمكان الموس وقاله مش هينفع تعدي الجهاز مش قاريها - بضان
مره ، كان عندى امتحان فى الكليه و رايح مش مذاكر حاجه، فا قولت اروح بدرى و اكتب ع الديسك، روحت و كتبت كل الاسئله و الاجابات على الديسك، و بعدين جه وقت الامتحان، لقيت المراقب بقومنا و بيقول انتوا هتمتحنوا فى حته تانيه - بضان
النهارده ، اخويا كان عايز يستلف منى فلوس (انا لو سلفته مش هيرجع الفلوس تانى) فا اديتله فلوس و قولتله الفلوس دى من بابا (عشان يخاف و يرجعها) بعد ساعه كده لقيته بيقولى انا خلاص رجعت الفلوس لابوك تانى - بضان
النهارده ، كنت مطبقه بقالى 3 ايام منمتش و سهرانه و جبت اخرى خلاص فا قولت لصاحبتى انا هدخل انام متتصليش بيا بقى (لأنها اكتر واحده بتتصل) قالتلى اوك، المهم نمت و فات يادوب ساعه لقيتها بترن قولت اكيد فى حاجه مهمه اوى، فا رديت فى ايه يا بت؟ قالتلى الحقى القطه بتاعه الجيران دخلت عندنا و مش عارفه امسكها - بضان
النهارده، الصبح و على غير العاده لقيت ماما بتصحينى بمنتهى الدلع و بتديلى شيكولاته، قولتلها ايه الحلاوه دى؟ قالتلى اصلنا بعنا اللاب توب بتاعك - بضان
مره ، كنت فى اسكندريه انا و ابويا و انا اللى سايق و عايزين نروح المعموره ابويا قالى امشى من هنا انا عارف الطريق كويس بعد كده ب ساعه لقينا نفسنا فى حته عجيبه وتوهنا فقلتلوا خلاص انا هاسأل فبوقف واحد بقوله لو سمحت عايزين نروح المعموره قالى يااه المعموره اللى فى اسكندريه - بضان
ليست هناك تعليقات:
إرسال تعليق