بالطريقه الصعيدى - أغنية ذهب الليل طلع الفجر

لمشاهدة المزيد من الفيديوهات

bdaan , bdan , بضان , بيضان ,موقع بضان ,منتدى بضان ,مواقف ,افكار ,بضان بيت ,بضان حب , بضان شارع , بضان شغل , بضان سياسه

bdaan  bdan بضان بيضان موقع بضان  منتدى بضان مواقف بضان افكار بضان بضان بيت بضان حب بضان شارع , بضان شغل , بضان سياسه

هتلر وموقع بضان

يعنى ايه بضان

  يعنى ايه بضان 

يعنى ايه كلمة بضان

ما معنى كلمة بضان

النهارده ، بكلم حبيبتى و كان في بينا شويه مشاكل فقررت اقولها اننا نسيب بعض فتره لحد اما احنا الاتنين نقدر نبقى كويسين مع بعض، المهم لسه بقولها احنا لازم، لقتها بتقولى متكملش احنا فعلا لازم نسيب بعض عشان احمد رجعلى تانى - بضان

النهارده، صحيت ع صوت الموبايل الساعه 6 الصبح، لقيت واحد صاحبى اسمه هشام بيتصل حسبت حاجه مهمه فا رديت، قالى فاكر نقار الخشب اللى كنا بنشوفه زمان و احنا صغيرين؟ قولتله ايوه يا هشام ماله؟ قالى شغال دلوقتى على سبيس تون - بضان

مره ، الكلب بتاع وليد صاحبي اللي حاطو فوق سطح العماره اللي قدامنا، اعد يهوهو و الساعه 2 بالليل و انا عايز انام، المهم جبت الليزر و فضلت اجريه وراه، بس مكنش قصدي اوقعو من فوق السطح - بضان

مره ، لسه راجع من الجيش و دخلت انام عشان كنت مطبق بقالي يومين في الجيش والاجازة بقي انتو عارفين، لقيت امي قعدت جنبي وبتقولي عاوزين نخطبلك بقي، قولتلها ربنا يسهل، قالتلي ايه رأيك في بنت عمتك، قولتلها كويسه ربنا يوفقها، وسيبتها و نمت عشان متوجعشي دماغي بالحوارات دي، صحيت لقيت امي قرت الفاتحه وبتقولي هنجيب شبكتك بعد المغرب - بضان

مره ، كان عندى درس الساعة 6.5 الصبح و كنت متأخر أخدت تاكسى و كان السواق محششش اول مركبت اخدنى و طلع يجرى قولتله رايح فين يا عم الحج، لقيته طلع مطوه و قالى قب بالفلوس اللى معاك ياض طلعت الموبايل و الفلوس، ضحك و قالى كنت بهزر معاك رايح فين يا حبيبى بقى - بضان

مره ، و انا فى اولى ثانوى بين الحصص كنت ماسك خشبه دكه وبلعب مع صاحبى، شافنى الاخصائى و راح شدنى على المديره و قالها بالحرف كده الواد ده عنده ميول عدوانيه و بيكسر فى الدكك و بيضرب اصحابه، و انا واقف مذهول و مصدوم، طلع استاذ تانى معرفش جه منين و قالها الواد ده مشاغب من السنه اللى فاتت، و انا كنت لسه فى سنه اولى - بضان

مره، الميه كانت مقطوعه من البيت 3 ايام فى رمضان، اسوأ 3 ايام فى حياتى من الجرب و القرف و العطش، و فجأه الميه جت، فرحت كنت حاسس انى سعيد، 3 دقايق بالظبط و الكهربا قطعت - بضان

مره , كنت بكلم حبيبتي في التليفون علشان ننزل, قالتلي انا مش حقدر النهارده, قمت مكلم صاحبي علشان ننزل روحنا السنيما, لقيتها قاعده في الصف اللي قدامنا مع واحد تاني - بضان

مره، كنت بغيظ خطيبتى و بقولها فى بنت معايا فى الشغل بتقولى (يا وزتى) و عامل نفسى متضايق من الموضوع، قالتلى اوف انا كمان معايا واحد اسمه وليد فى الشغل، مبيعديش الشارع الا و هوا ماسك ايدى او حاطط ايده على كتفى، و بتكسف اقوله لا - بضان

كلمة بضان ما معناها ؟

مره ، كنت في سيتى ستارز لوحدى و لقيت حبيبتي ماشيه مع واحد و حاطط ايده علي كتفها، فضلت مراقب من بعيد لحد ما راح يشتري ايس كريم، روحت متصل بيها قولتها انتي فين؟ قالتلى بابا تعبان اوى و انا معاه في المستشفى - بضان

مره , فى يوم بابا رجع من العمره ، و العربيه بتاعته كانت مركونه فى الجراش 10 ايام، فا قالى انزل اغسلها يا حسن، انا لقيت جردل ميه ادام الباب فا خدته غسلت بيه العربيه و خلصت تمام، طالع بقى لقيت ماما بتقول لبابا فين ميه زمزم اللى جبتها؟ قالها ادام الباب هاتها يا حسن من برا - بضان

مره ، كنت اعرف واحد منسون كده و بيحب تامر حسنى اوى ، فا مره لقيته جاى فرحان اوى، سألته فى ايه ؟ أيه اللى مفرحك أوى كده قالى انه امبارح حلم ان تامر حسنى جاله البيت و حضنه حضن كبير و باسه من بؤه - بضان

مره , حبيبى بعتلى رساله فيها (انا اسف انا مش بحبك انا بحب واحده صاحبتك و مش قادر اضحك عليكى اكتر من كده و هيا صاحبتك فلانه)، قريت الرساله و روحت لصاحبتى فى ساعتها و مسكتها اعدت اضرب فيها جامد لحد ما كسرتلها ايديها و ركلها و راحت للمستشفى، بعد كل ده لقيته بعتلى رساله تانيه فيها (ايه رأيك فى كدبه ابريل) - بضان

النهارده ، كنت راكب مع ابويا العربية و فجاة عدت بنت من جنب ابويا فراح معاكسها، قمت قلتله دي مش حلوه يا بابا علشان تعكسها، قلي مش بالحلاوه قلتله امال بايه؟ قلى بالجبنه - بضان

مره ، كنت لسه صاحى و لقيت الباب بيخبط و الفوطه على كتفى بقى و الساعه 12 الضهر، فتحت لقيت واحد شايل كيسه كمبيوتر و بيقولى باشمهندس سعيد؟ قولتله ايوه أأمرنى، لقيته بيدينى الكيسه و بيقولى انا عاوز اعمل ايميل - بضان

مره ، فى الشغل (انا مهندس كمبيوتر و فاتح شركه صيانه) واحد جالى و معاه هاردين 160 واحد بتاعه و واحد بتاع واحد صاحبه، و قالى انا عايز اسرق 20 جيجا من هارد صاحبى و يحطهم عنده عشان يبقى هارده 180 و هارد صاحبه 140 - بضان

مره، كنت في البيت و الدنيا ليل و كله نايم و بكلم صاحبتي ع الموبايل، المهم قاعدين نغازل في بعض و نسبل لبعض، و قاعده تقولي اخيراً فضيت عشان اكلمك كلهم مشيو مش قاعده مع حد و مرة واحدة سمعت صوت شخص بينادى عليها و بيقولها بصره يا عسل، قلتلها مين ده؟ قالتلي مودي جارنا بنلعب كوتشينه! بعلو صوتي مسمعها كلمه ابيحه ، ابويا صحي و طلع بيقولي في ايه يابني؟ قولتله الهانم بتلعب كوتشينه مع مودي جارها , قالى كلمه ابيحه هو كمان - بضان

مره، اتزنقت ف فلوس قولت اروح اسحب بالفيزا عادى سحبت 5 مرات 200، يعنى الف جنيه و بعد ما الفلوس طلعت طبقتها ومسكتها ف ايدى ومشيت و ف الايد التانيه كان فى ورقه السحب (ورقه بتخرج من المكنه بعد كل عمليه سحب فيها سحبت كام وباقى كام)، فضلت ماشى احسب فاضل كام و هجيب ايه و الحورات دى كلها، اخر ما زهقت قولت ملعون ابوها زى ما تيجى تيجى و رميت الورقه، اكتشفت لما رجعت البيت انى رميت الالف جنيه، و الورقه هى اللى لسه ف ايدى - بضان

مره , صحيت و لسه قاعد عالنت النت فصل، بفتح التلفزيون لقيت النور قطع، فتحت اللاب العب بعد دقيقتين بالظبط الشحن خلص، بتصل بصاحبي دقيقه و الرصيد خلص، دخلت الحمام لقيت الميه قطعت - بضان




 

مواقف بنات وشباب يوميه غريبه جداً

النهارده ، تخيلو حلمت بالقذافى  - بضان

النهارده ، كنت راكب توكتوك فلقيت الراجل بيجرى بسرعه اوى وكنا هنتخبط كذا مره، فقلتلوا ايه يا اسطا انا مش متاخر على ماهلك يعنى، قالى ياعم سبنى فى حالى قلتلوا اسيبك ايه بس انتا كده هتموتنى، قالى البت الى كنت هتجوزها سابتنى وانا لازم اموت، لازم اموت وانتا هتموت معايا - بضان

مره ، كنت بكلم حبيبتى علي النت من ايميل جديد قولت اختبر اخلاقها لقيتها بتقولي انا عارفة اصلا ومتوقعة انك حتعمل كدة وانا عرفتك يا مروان (انا اسمى محمد) قولتلها انا مش مروان من هنا لهنا بسألها مين مروان و هيا مصممه متقولش الا لما تعرف مين، قولتلها انا محمد قالتلي محمد عزت؟ (انا اسمى محمد ابراهيم) - بضان

مره ، كنت قاعد في الصيدليه ولقيت واحده دخله عليا مش علي بعضها، ولقيتها فجأه بتسألني بتقلي حضرتك بتدي لبوس - بضان

مره ، المعيد كان بيصحح اللوحه بتاعتى، فا جه واحد و طلب منو انه يصححله لوحته، المعيد قاله يعنى زميلك اللى بصصححلو ده مش عاجبك؟ تحب يعنى اقطعلو لوحته؟، قاله اه، راح قطعها نصين - بضان

مره ، كان ايام امتحانات نص السنه و كنت مطبق قاعد بذاكر و نمت ع الساعه 6 الصبح، بابا رجع من الشغل صحانى عشان اذاكر، فا قومت دخلت الحمام و نمت فى الحمام، صحيت لقين نفسى مش شايف اى حاجه، فا فتحت باب الحمام و بعلو صوتى قولت انا اتعميييييييت و روحت متكعبل فى حاجه ع الارض و وقعت، لقيت بابا بيقولى اتعميت ايه يابن الهبله دى الكهربا قاطعه - بضان

مره ، واحنا في الكورس "احنا في رابعه صيدله"، دخل عيل صغير ماسك كيس في ايده، فالدكتور بيقوله عايز مين يا شاطر، قاله في واحد هنا اسمه أحمد فوزي، قاله اه عايز منه ايه، قاله مامته بعتاله كيس السندوتشات و النص جنيه ده و بتقوله ياكل السندوتشات كلها و يشتري بالنص جنيه حاجه حلوه في الفسحه - بضان

مره ، كنت رايح الكليه وانا ف كليه حاسبات، كنت لابس محترم عشان كان عندي امتحان شفوي و تسليم مشروع والمفروض اني اسلم المشروع ده علي اسطوانه، ركبت الاتوبيس قعدت جنب راجل كبير ف السن وبنكلم، قالي كشكول محاضراتك ده قولتلو اه قالي وريني بتاخدو ايه، اديته الكشكول وفتحه لقي الاسطوانه، لقيته قام فى وسط الاتوبيس و باعلي صوته و قال هي دي المحاضرات اسطوانه، يا ابني حرام عليك و الست اللي ورايا تقولي يا ابني صحتك، و الراجل يقولى و عامل فيها محترم، و السواق يقول هو ده اللي مبوظ الشباب - بضان

النهارده ، رجعت للانسان اللى بحبه من بعد ما سبنا بعض فتره بسبب مشاكل ثقه، فا سألته يعنى ايه الثقه؟ قالى الثقه هيا انى لما اكون معاكى تقدرى تقومى و تسيبى شنطتك من غير ما تخافى انى اسرقها - بضان

مره ، بفتح الفيس بوك لقيت بنت خالى كاتبالى ع الوول بتاعى (ربنا ما يحرمنى منك) و ابويا و خالى و ابن خالى عاملين لايك، فا بسأل امى هوا فى ايه؟ قالتلى مبروك يا حبيبى احنا هنخطبهالك خلاص - بضان

بضان فى السيبر

النهارده ، كنت فى السيبر و كان ع الجهاز اللى جنبى واد صغير، شويه لقيته بصلى كده و قالى عمو ممكن تقولى اجيب الحاجات القبيحه ازاى لقيتنى بديله على أفاه - بضان

النهارده ، كنت عند صاحبى فى البيت عشان امه بتشكيلى منه، اتصلت بيا و بتاع و حسيت ان فى مصيبه، رحت وقعدت معاهم لقيتها بتقولى محمد قالى انه بيشرب سجاير و وافقت بس المشكله مش بيطفى فى الطفايه بيطفى فى الكوبيات و مش راضى يسمع الكلام، وهو بيشكيلى منها بيقولى بتدينى تمن علبه واحده و انا ساعات بحتاج اجيب علبتين فى اليوم - بضان

النهارده ، اتصلت بحبيبى عشان كان زعلان منى و اعدت اتأسف، راح قالى انتى زودتيها و بقيتى رغايه اوى و بتتحايلى كتير و انا اتخنقت منك و متتصليش بيا تانى و قفل السكه فى وشى، اتنرفزت و روحت راميه الدبله بتاعته من البلكونه، بعدها على طول كلمنى قالى انتى صدقتى يا هبله انا كنت بهزر - بضان

النهارده , واد صاحبي جالي و قالي انا نفسي اتعرف على البنت الفولانيه, قولتله بلاش, قالي ليه هي تخصك؟ قولتله لا بس في حد مظبط معاها, قالي دي لسه قايلالي انا فري , قولتله خلاص عيش حياتك, راح واد صاحبنا تاني اتصل وقالي عارف البت فلانه (وهي نفس البنت اللي بنتكلم عنها), قولتله مالها, قالي عايز ارتبط بيها, قولت امال لو كانت حلوة كانوا عملوا ايه, راح واحد تالت كلمني على النت وقالي تعرف فلانه (وهي نفس البنت), قولتله لسه مرتبطه باتنين قبليك استنى شوية لما تفضى - بضان

النهارده ، كنت في الشغل و كان فيه واحده جامده جدا لسه متعينه، فروحت اظبطها واتكلم معاها، قولت اعرفها ع الناس الي هنا، و كان المدير جاي علينا فقولتلها ده بقي ابو الفسطاد، قالتلي بطل قلة ادب دا بابا - بضان

النهارده ، كنا عازمين خطيبى على الغدا، و جه و كلنا و كان يوم جميل، بعد الاكل بشويه قال لبابا عايزك فى كلمتين، و راحو اعدو فى الصاله لوحديهم يتكلمو اكتر من ساعه و سمعت صوت باب الشقه بيترزع، سألت بابا فى ايه؟ قالى فسخ الخطوبه - بضان

مره ، كنت عند واحد صاحبى فى البيت، و قالى استنى هدخل استحمى بسرعه و اجيلك، قولتله ماشى، بعد شويه سمعته بينادى يا ماماااا تعالى ادعكيلى ضهرى - بضان

النهارده ، لقيت بنتى الصغيره (عندها 4 سنين) دخلت عليا جرى و فرحانه اوى و بتقولى مفاجأاااااه انا حاااامل - بضان

النهارده ، كنت عند خالتى وقعدين مع بناتها وفجأه دخل ابنها من الباب (المفروض خطوبته اخر الاسبوع اللى جاى) وقف وقال انا اجلت الخطوبه بنسأله ليه؟ قلنا اصلا ريم جت بتعيط النهارده عشان بعد ماربت ضوفرها للخطوبة ضفر اتكسر، و طلبت منى نأجل لحد ماتربيه تانى وانا مش عايز ازعلها - بضان

مره ، نزلت انا واختي الصغيرة ( 3 سنين ) على الساعه 2 بليل كدة اجيبلها حاجة، وهي ماشية قدامي جه واحد شالها وطلع يجري، رميت الموبايل والسجاير من ايدي وجريت وراه، وبعد دقيقتين جري كدة، وقف وقالي كنت بهزر معاك يا رايق، يلا روحوا وتصبح على خير - بضان